رغيفة في الفرن بحشوة الشكلاط غبرة بالمراحل المصورة
1
2
3
اليوم غنشارككم رغيفة الفران بحشوة الشكلاط غبرة
ميزة هاد الرغيفة انها كتجي مقررمشة من برا فحال البات فويتي و هشييشة من داخل
و بفعل الشكلاط كتبان الطبقات الي عملنا
بالنسبة للحشو ممكن تتفننوا بتغيرها
مرة كنعمل لوز مقلي و مهرمش و دائما مع سنيدة باش تعطي طيبة الحلاوة
و مرة كركاع و قرفة و ستيدة
و مرة كوكو و سنيدة
بكل نكهة كتجي غزااالة كنتمنى تجربوها
العجينة عملوا اي عجينة مسمن كتعتمدوا
هنا عملت
زلافة دقيق القمح فينو نوعية جيدة
2زلايف دقيق الفورص
ملح
شوسة سنيدة
وة خميرة معجونة
و عجنتهوم بماء دافي
و خليتها ارتاحت نصف ساعة و ابديت الخدمة
هاد الكمية عملاتلي 14حبة
و عملت زوج رغيفات
كل رغيفة بها 7حبات قلب بعضهم
متنساوش الشكلاط غبرة مع سنيدة
اهنا احتاجيت 6معالق سكر و 3شكلاك غبرة
و الطريقة موضحة
كنبسطو كل حبة و ندهنوها بخليط الزبدة و الزيت و نرشوا الشكلاط
و نعملوا وحدة فقلب وحدة
حتى نكملوا 6و السابعة نرشوها بالدقيق فقط
نخليوها ترتاح نصف ساعة و نبسطوها من جديد ونرشوها بالزبدة
و نرسلوها للفرن
و هي سخونة نسقيوها بالعسل و نرشوا عليها شكلاط محكوك
و بصحتكم و راحتكم
رغيفة في الفرن بحشوة الشكلاط غبرة بالمراحل المصورة