حلوى الكورني مذاق رائع وبقادير بسيطة ناجحة 100%
مقادير العجين :
1
2
3
- رابعة زبدة لينة بحال لابريري
- 3 معالق كلاصي مغربل
- كأس صغير ماء زهر
خلطي مزيان هاد الشي وبقاي ديري طحين وعينك ميزانك ماتقصحيهاش وماتخليهاش جارية تعدبك. جيبي لمول ديال لكورني وبقاي طلقي لعجينة مزيان بدلاك وقطعي بناعورة مستطيلات تقريبا عرضهم 1 سانتيم ولوي على ليمول دلكورني ومين تسالي دخليهم لفران يطيبو وردي بالك دغيا كايطيبو ومين تخرجيهم من لفران بقاي تزوليهم من ليمول غي بلاتي محيت كايكون هشيش دغيا كايتهرس وحطيهم على جنب .
مقادير الحشوة:
نتي ولي عندك فدار أو ليبغيتي نصف كيلو كوكان (بيض) أو (لوز ) صلقيه ونقيه وقليه فزيت مين يبرد طحنيه حتى يتعلك وجيبي نصف كيلو (دجنجلان) منقي مزيان ومحمر وطحنيه مزيان، خلطيهم بجوج وجميعهم بشوية دلعسل اوا وبقاي تهزي بشوية وتبرولي وتخشي فوسط لكورني شوية بشوية ومين تسالي ديريلو راسو فشكلاط الأسود الي دوبناه فحمام مريم ودردري عليه شوية دجنجلان أو كاوكاو مهرمش قبل لا يجمد شكلاط وبصحتك.