سر من أسراري لي كندير فالخضرة ملي نسلقها باش كتبقى فلونها وتجي شادة فراسها
حبيبات قلبي تفكرت اليوم وحد الطريقة كنستعملوها وقلت ضروري ضروري نفيد اخواتي الغاليين
1
2
3
اي حاجة بغيتي اتسلقيها وخفتي تكحال بحال مثلا
الشيفلور
القوق
الدنجال
وغيرها من الخضر
مهم ببساطة الحاجة لي مع السلق كتكحال
خاصك ضروري تزيدي معاها هاد الإضافة لي كندير وشوفي واش مغتبقاش فلونها تقول يلاه يلقتيها
بلا منزيد نطول عليكم حبيباتي فالإضافة لي كندير بكل بساطة هي غاديري معها قشور الحامض بلا قلب + طحين الفورص ، راه كتبقى الحاجة لي سلقتيها فلونها ومكتكحالش واخة تبقى عندك .انا كندير حتي قشور الطماطم راه حتى هما كيبيضو الطاوة شوفي غير الطاوة ديال الحريرة كي كتولي الى طيبتيها جربيها وردي عليا الخبار.